Zëvendëspresidenti i SHBA-së, JD Vance, refuzoi të martën të jepte një afat kohor për çarmatosjen e grupit palestinez Hamas, duke thënë se situata mbetet “e paparashikueshme”.
“Ne e dimë që Hamasi duhet të zbatojë marrëveshjen (e armëpushimit)”, u tha Vance gazetarëve gjatë një vizite në Izrael të martën.
Anadolu shkruan se Vance i pyetur se sa kohë ka grupi përpara se SHBA-të të ndërmarrin veprime ose të autorizojnë aleatët ta bëjnë këtë, refuzoi të caktojë një afat kohor.
“Nuk do të bëj atë që presidenti (i) Shteteve të Bashkuara ka refuzuar deri më tani ta bëjë, që është vendosja e një afati të qartë, sepse shumë nga këto gjëra janë të vështira. Shumë nga këto gjëra janë të paparashikueshme”, tha ai.
