Katër persona janë arrestuar, pasi që të njëjtit janë përleshur fizikisht mes vete të mërkurën në Pejë.
Në raportin e policisë bëhet e ditur se si pasojë e përleshjes fizike të dyshuarit kanë pësuar lëndime trupore dhe kanë pranuar tretmanë mjekësor.
Policia ka bërë të ditur se me vendim të prokurorit tre nga të dyshuarit janë dërguar në mbajtje, kurse njëri është liruar në procedurë të rregullt.
“Pejë /12.03.2025-22:20 Janë arrestuar katër (4) të dyshuar meshkuj ( tre nga ta shtetas të Shqipërisë dhe njëri shtetas i Kosovës) pasi të njëjtit ishin përleshur fizikisht në mes veti. Si pasoj e përleshjes fizike të dyshuarit kanë pësuar lëndime trupore për çka u është ofruar tretmani mjekësorë. Me vendim të prokurorit tre nga të dyshuarit janë dërguar në mbajtje, kurse njëri është liruar në procedurë të rregullt”, thuhet në njoftim./teve1.info/
