Si pasojë e kësaj, njëra nga vajzat ka humbur jetën kurse tjetra ka pësuar lëndime trupore.
Zëdhënësi i policisë në Ferizaj, Kanun Veseli ka thënë për teve1.info se vajzat janë motra mes vete.
Veseli ka thënë se rasti ka ardhur pasi që e ndjera kishte tentuar të kërcej ndërsa motra e saj kishte tentuar që ta shpëtonte dhe si pasojë kanë rënë të dyja.
Rasti është cilësuar si “Vetëvrasje”.
“Rasti është cilësuar si “vetëvrasje”. Nga hetimet që janë zhvilluar nga Sektori Rajonal i Hetimeve, mësohet se e ndjera kishte tentuar të kërcej nga ndërtesa, ndërsa në përpjekje për ta shpëtuar motrën vet, kanë rënë të dyja”, ka thënë Veseli për teve1.info
Rasti kishte ndodhur mbrëmë rreth orës 21:35.
“Me datën 21.01.2023 rreth orës 21:35 policia rajonale e Ferizajt ka pranuar një informacion se në rrugën “Sandër Prosi” në Ferizaj, dy vajza të moshës 18 dhe 15 vjet kanë rënë nga kati i 4-të , i një objekti banesor. Të njëjtat për ndihmë mjekësore janë dërguar në Qendrën Emeregjente në Ferizaj e më pas për tretman të mëtutjeshëm mjekësor ( nē gjendje tē rëndë shëndetësore) janë dërguar për në QKUK-Prishtinë”, ka deklaruar mbrëmë Policia e Kosovës./teve1.info
