Një person i dyshuar për posedim të një arme zjarri është arrestuar të martën në fshatin Reçak të Shtimes, ka njoftuar Policia e Kosovës.
Sipas Policisë, gjatë kontrollit nuk është gjetur armë zjarri, por janë sekuestruar dy uniforma ushtarake (kamuflazh), tre jelekë taktikë dhe disa pajisje të tjera.
I dyshuari është shoqëruar në stacionin policor në Shtime, ku është intervistuar nga policët hetues dhe me vendim të prokurorit, është dërguar në mbajtje për 48 orë.
“Me datë 01.07.2025 rreth orës 15:00, stacioni policor në Shtime ka pranuar një informatë lidhur me posedimin e një arme zjarri nga një person me banim në fshatin Reçak të Shtimes. Sipas informatave të pranuara, i dyshuari shfaqej në një fotografi duke mbajtur një armë zjarri.Menjëherë pas pranimit të informatës, njësitet policore kanë ndërmarrë veprimet e nevojshme operative dhe me urdhër të prokurorit të shtetit është realizuar një kontroll në shtëpinë e të dyshuarit. Gjatë kontrollit nuk është gjetur armë zjarri, por janë sekuestruar dy uniforma ushtarake (kamuflazh), tre (3) jelekë taktikë dhe disa pajisje të tjera. I dyshuari është shoqëruar në stacionin policor në Shtime, ku është intervistuar nga policët hetues dhe me vendim të prokurorit, është dërguar në mbajtje për 48 orë. Rasti është duke u trajtuar nga sektori i hetimeve”, bëhet e ditur në njoftim.
