Ish-deputetja shqiptare në Kuvendin e Kroacisë, Emina Lekaj-Përlaskaj ka folur për vizitën e Kurtit në Kroaci, ku tha se u nënshkruan gjashtë marrëveshje mes të dyja vendeve.
Lekaj- Përlaskaj në një intervistë për emisionin “Info Nata” në Tëvë1, tha se prapë u konstatua që Kroacia është partner i sinqertë ndaj Kosovës.
Tutje, ajo shtoi se rrugëtimi i Kosovës për në integrimet evropiane, është që të mëson nga shteti kroat.
Madje, sipas ish-deputetes Kroacia është pjesë e BE-së e cila mund të ndihmon Kosovën në shumë drejtime.
“Ishte një vizitë shumë e frytshme nga ana e kryeministrit të Kosovës, Albin Kurti i cili vizitoi kryeministrin e Kroacisë, gjatë vizitës dhe takimit me kryeministrin e Kroacisë u nënshkruan gjashtë kontrata mes dy shteteve dhe të njëjtën kohë është mbajtur edhe Forumi Ekonomik. Këtu u konstatua edhe njëherë se Kroacia është shtet i Bashkimit Evropian i cili e mbështet Kosovën dhe është një partner i sinqertë ndaj Kosovës. Sa i përket rrugëtimit të Kosovës në integrimet evropiane, Kosova përfitimin më të mirë e ka të mëson nga Kroacia dhe siç thonë miqtë kroat të mësojnë nga gabimet e tyre që mos t`i përsërisin gabimet që i kanë bërë kroatët gjatë rrugëtimit të tyre, ne gjithë e dimë që Kroacia është shtet i cili lubon shumë për Kosovën dhe është një zë i fuqishëm në Bashkimin Evropian për Kosovën, njashtu e dimë që Kroacia është pjesë e BE-së dhe ëktu mund që t`i ndihmon Kosovës në shumë drejtime”, ka deklaruar Lekaj-Përlaskaj.
Ndryshe, kryeministrin Albin Kurti është pritur të premten me nderime të larta shtetërore nga homologu i tij kroat, Andrej Plenkoviq .
Kurti në konferencën e përbashkët me homologun e tij kroat, Andrej Plenkoviq, kanë folur për sulmin terrorist më Ibër-Lepenc.
Kurti ka deklaruar se sulmi është bërë nga profesionistë terroristë dhe është i ri për nga natyra, pasi tash është shënjestruar popullsia civile./teve1.info/
