Kryeministri i Shqipërisë, Edi Rama ka përgëzuar dy pjesëtarët e Policisë së Shtetit, të cilët siç ka thënë ai rrezikuan jetën e tyre për t’i shpëtuar qytetarët.
Ai ka thënë policia nuk përfaqësohet nga ata që e turpërojnë uniformën, por nga shumë djem e vajza siç janë dy policët Agim Troci dhe Klajdi Mustaj.
“Kur një punonjës policie turpëron uniformën, me të drejtë të gjithë revoltohemi dhe padrejtësisht shumëkush shan të tërë policinë, por Policia e Shtetit nuk përfaqësohet nga ata që e turpërojnë, po nga mijëra burra, djem e vajza që punojnë me përkushtim, në mes të të cilëve ka edhe heronj si Agim Troci, i cili u hodh në zjarr për të shpëtuar nga zjarri të tjerët apo si Klajdi Mustaj, të cilit i jemi të gjithë mirënjohës për forcën e madhe të shembullit në shpëtimin e tre qytetarëve të dëmtuar gjatë një aksidenti në aksin rrugor Levan-Fier”, ka shkruar Rama.
