Mes mbeturinave, të hënën u gjet një foshnjë e porsalindur.
Dikush e kishte hedhur atë në një qese të bërllokut në deponinë në Matiqan të Prishtinës, pa shenja jete.
Por autorët e kësaj vepre ende nuk dihet se kush janë.
E sipas juristëve, identifikimi i tyre nuk është i lehtë, andaj edhe kërkon goxha punë.
“Identifikimi i personave është i vështirë dhe kërkohen hetime intensive. Përveç hetime intensive kërkohet intervenimi i shpejtë të organeve të hetuesisë, pra Policisë dhe Prokurorisë në bashkëpunim edhe me shërbime të tjerë dhe kërkohet bashkëpunim shumë i ngushtë i qytetarëve të asaj zone”, vlerëson Qendrim Arifi.
Mes tjerash, Arifi thotë se aktualisht nuk dihet se sa mund të dënohen personat e përfshirë në kryerjen e kësaj vepre penale.
“Ka shumë çështje engimatike dhe as pak hipotetikisht nuk përjashtohet mundësia që braktisja të ketë qenë e ndikuar nga dikush, te ketë qenë braktisje e dhunshme dhe jo e vullnetshme. Ne duhet të dimë shumë aspekte të tjera në mënyrë që të kualifikojmë që a kemi të bëjmë më braktisjen e fëmijës, a kemi të bëjmë me vrasje në afekt, nuk e dimë lindja a ka ndodhur atë ditë apo më herët”, thotë ai.
Në anën tjetër, psikologia Mirjeta Pestisha Deliu tregoi faktorët që mund të kenë ndikuar që nëna ta braktisë fëmijën në këtë formë.
“Ajo shtazani të ketë ardhur e padëshiruar, mund të jetë mosha të cilën nëna mund të ketë pasur gjatë shtatzënisë, mund të jetë ndonjë moshë e hershme, mundet të jetë fshehja e shtatzënisë deri ën atë kohë dhe pastaj fëmija nuk mund të lind në spital dhe lind në shtëpi. Edhe pse nuk ka ndonjë informacion me të detaj”, thotë ajo.
Sipas të dhënave të Policisë së Kosovës, vetëm në vitin 2024 janë braktisur 19 foshnje. Ndërsa në vitet 2023 dhe 2022, janë braktisur 251 fëmijë.
