Rastësisht një banor i Manastircit, më 5 shkurt kishte hasur në trupin një trup të pajetë, të groposur jo thellë.
Me të parë atë, ai kishte njoftuar Policinë e Kosovës.
Aty ishte identifikuar se trupi i përkiste Bekim Varit, familjarët e së cilit e kishin raportuar si të zhdukur më 29 janar.
Nën dyshimin për vrasje të rëndë, i arrestuar është Leutrim Fejza, kushëri i Bekim Varit.
Ai rezulton të jetë personi i fundit me të cilin ka pasur kontakt dhe nën shoqërinë e të cilit është parë Vari përgjatë 22 dhe 23 janarit.
“Ju njoftojmë se ndaj të dyshuarit me iniciale L.F., Prokuroria Themelore në Ferizaj, me datën 06.02.2024, ka parashtruar kërkesë për caktimin e masës së paraburgimit në Gjykatën Themelore në Ferizaj, për shkak të dyshimit të veprës penale “Vrasje e rëndë” nga neni 173 paragrafi 1 nënpar.1.4 të Kodit Penal të Republikës së Kosovës. I dyshuari vazhdon të jetë në masën e paraburgimit për shkak të dyshimit të veprës penale të lartcekur”, thuhet nga Porkuroria e Ferizajt.
Televizioni merr vesh se familja e të dyshuarit, është duke u ruajtuar nga Policia e Kosovës.
Ndërkohë, familja Vari nga Pleshina u Ulët të Ferizjat, ende nuk e ka marrë trupin e Bekimit.
Nga Instituti i Mjekësisë Ligjore nuk kanë treguar për arsyet e vonesës në kryerjen e autopsisë.
Varësisht këtyre procedurave, edhe ceremoninë e varrimit familja Vari nuk dihet se kur do të mund ta bëjnë.
