Zgjedhjet presidenciale të Turqisë duket se po shkojnë drejt balotazhit pasi me 99.87 përqind të votave të numëruara presidenti aktual Rexhep Taip Erdoan ka 49.50 % ndërsa kundër kandidati i tij Kemal Kilicdaroglu ka 44.89% të votave.
Pas numërimit të 99.87% të votave presidenti aktual Recep Tajip Erdogan ka 49.50 % të votave ndërsa kundër kandidati i tij Kemal Kilicdaroglu ka 44.89%.
Erdogan, i cili udhëhoqi me Turqinë për dy dekada u tha mbështetësve të tij të hënën se ai ende beson se mund të fitojë.
“Ne besojmë fuqishëm se do të vazhdojmë t’i shërbejmë kombit tonë për 5 vitet e ardhshme”, tha Erdogan,
Edhe Kilicdaroglu u shpreh optimist për fitore nëse vendi shkon në balotazh më 28 maj.
“Nëse populli ynë i thotë po një raundi të dytë, atëherë ne do t’i fitojmë këto zgjedhje. Të gjithë do ta shohin”, u shpreh Kilicdaroglu.
E kandidat i tretë për president, politikani nacionalist Sinan Ogan i cili mori 5.2% të votave ende nuk është deklaruar se kë do të mbështeste nëse zgjedhjet shkojnë në një raund të dytë.
Vendet perëndimore dhe investitorët e huaj shprehën interesim për rezultatin e zgjedhjeve për shkak të udhëheqjes joortodokse të ekonomisë së Erdoganit dhe përpjekjeve shpesh të pafavorshme, por të suksesshme për ta vënë Turqinë në qendër të negociatave ndërkombëtare, përfshirë Ukrainën.
Gati 89% e mbi 64 milionë turqve me të drejtë vote votuan të dielën.
