Presidenti turk, Recep Tayyip Erdogan, në një deklaratë në X, tha se është “shumë i kënaqur” me negociatat që rezultuan në marrëveshjen për armëpushim.
Turqia, Katari, Egjipti dhe SHBA-ja ishin të përfshira në bisedimet treditore në qytetin egjiptian Sharm el-Sheikh për të siguruar fazën e parë të propozimit për armëpushim të Trumpit.
Në një postim në X, Erdogan shprehu “falënderime të veçanta” për Trumpin, i cili “demonstrroi vullnetin politik të nevojshëm për të inkurajuar qeverinë izraelite drejt armëpushimit”.
“Si Turqi, do të monitorojmë me kujdes zbatimin e hollësishëm të marrëveshjes dhe do të vazhdojmë të kontribuojmë në proces. Po ashtu, do të vazhdojmë luftën tonë deri në krijimin e një shteti palestinez, bazuar në kufijtë e vitit 1967, me Jerusalemin Lindor si kryeqytet, i pavarur, sovran dhe me integritet territorial,” tha ai.
Erdogan shtoi se ka dërguar “përshëndetjet më të sinqerta” për palestinezët që kanë përjetuar “vuajtje të pashprehshme për dy vite, duke jetuar në kushte çnjerëzore dhe duke humbur fëmijët, nënat, baballarët, të afërmit dhe miqtë”.
