Trajneri Thomas Tuchel do ta vazhdoj punën e tij te Bayern Munichu përkundër rezultateve të dobëta që ekipi ka regjistruar javën e fundit.
Mediumet gjermane kanë raportuar të hënën se drejtuesit e Bayernit kanë besim të plotë në Tuchelin, të cilit i kanë dhënë përkrahje maksimale për të vazhduar me punën e tij.
Bayerni u mposht të dielën nga Bochumi dhe ka ngecur prapa Bayer Levekursenit në tabelë. Leverkuseni është lider i Bundesligës dhe ka tetë pikë më shumë se Bayerni.
Në tri ndeshjet e fundit në të gjitha garat, Bayerni ka regjistruar po aq humbje. Tuchel ka kontratë me skuadrën bavareze deri në verën e vitit të ardhshëm.
