Trajneri nga Gjermania, Thomas Tuchel së shpejti pritet të emërohet selektor i Kombëtares së Anglisë.
“Sky Sports” raporton të martën se Tuchel pothuajse ka arritur marrëveshje me Federatën e Futbollit të Anglisë dhe muajin e ardhshëm pritet të prezantohet në krye të “Tre Luanëve”.
Detajet e marrëveshjes nuk janë bërë të ditura, por thuhet se Tuchel është i preferuari i federatës dhe në garën për të zëvendësuar Gareth Southgaten, ka parakaluar trajnerët tjerë që ishin opsion si Jurgen Klopp, Graham Potter e Eddie Howe.
Në korrik të këtij viti, Gareth Southgate është larguar nga posti i selektorit të Anglisë, ndërsa ekipi po drejtohet nga trajneri i përkohshëm Lee Carlsley.
Tuchel prej muajit maj të këtij viti është i papunë pasi u largua nga Bayern Muncheni, ndërsa si trajner ka punuar edhe te Chelsea, Paris Saint-Germaini, Borussia Dortmundi e Mainzi.
Ai ka fituar trofe me Dortmundin, PSG-në, Bayernin e Chelsean, ekip me të cilin triumfoi në Ligën e Kampionëve.
