Ushtarët bullgarë dhe shqiptarë të Komandës Rajonale Perëndim të KFOR-it, zhvilluan një stërvitje për përdorimin e helikopterit në veprimtarinë kundër trazirave.
Sipas njoftimit trajnimi synon të konsolidojë dhe të rrisë aftësinë për të kryer aktivitete të CRC (Crowd and Reot Control) duke përdorur helikopterë gjatë mbajtjes së pajisjeve për kontrollin e trazirave.
“Në veçanti, ushtarët e KFOR-it u trajnuan për të zbatuar procedurat e duhura gjatë fazave delikate të hipjes dhe uljes, duke i përshtatur ato me aftësitë e kontrollit të turmës”, thuhet në njoftim.
Tutje KFOR-i rithekson se vazhdon të kontribuojë për një mjedis të qetë dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes.
