Presidenti amerikan, Donald Trump ka urdhëruar një seri sulmesh ajrore në zonat e kontrolluara nga Huthi në Jemen të shtunën, duke thënë se do të përdorë “forcë dërrmuese vdekjeprurëse” derisa ata të ndalojnë sulmet e tyre ndaj transportit detar përgjatë një korridori jetik detar.
Huthi kanë thënë se të paktën 31 persona u vranë.
“Luftëtarët tanë të guximshëm po kryejnë tani sulme ajrore ndaj bazave, liderëve dhe mbrojtjes raketore të terroristëve për të mbrojtur anijet amerikane, asetet ajrore dhe detare dhe për të rivendosur Lirinë e Lundrimit”, tha Trump në një postim në mediat sociale.
Ai gjithashtu paralajmëroi Iranin që të ndalojë mbështetjen e grupit rebel, duke premtuar se do ta mbajë vendin “plotësisht përgjegjës” për veprimet e përfaqësuesit të tij.
Huthi-t raportuan shpërthime në territorin e tyre të shtunën në mbrëmje, në kryeqytetin e Sanaa dhe provincën veriore të Saada, bastion i grupit jemenas në kufirin me Arabinë Saudite, me më shumë sulme ajrore të raportuara në ato zona herët të dielën.
Ministria e Shëndetësisë e drejtuar nga Huthi tha herët të dielën se numri i të vdekurve ishte rritur në 31, duke përfshirë gra dhe fëmijë. Anees al-Asbahi, një zëdhënës i ministrisë, tha të dielën se 101 persona të tjerë u plagosën, raporton AP.
Nasruddin Amer, nënkryetari i zyrës së mediave Houthi, tha se sulmet ajrore nuk do t’i pengojnë ata dhe ata do të hakmerren kundër SHBA-së “Sanaa do të mbetet mburoja dhe mbështetja e Gazës dhe nuk do ta braktisim atë pavarësisht sfidave,” shtoi ai në mediat sociale.
Sulmet ajrore vijnë disa ditë pasi Huthi-t thanë se do të rifillonin sulmet ndaj anijeve izraelite që lundronin në Jemen, në përgjigje të bllokadës së fundit të Izraelit në Gaza.
Që atëherë nuk është raportuar asnjë sulm i Huthi.
