Presidenti amerikan Donald Trump, të shtunën nënshkroi një urdhër ekzekutiv për ta bërë anglishten gjuhën zyrtare të kombit.
Në urdhërin që nënshkroi Trump, ai tha se anglishtja është përdorur si gjuhë nacionale që nga themelimi i shtetit dhe tashmë është koha tashmë që të deklarohet si gjuhë zyrtare, raporton AA.
“Vendosja e anglishtes si gjuhë zyrtare jo vetëm që do të thjeshtojë komunikimin, por gjithashtu do të përforcojë vlerat e përbashkëta kombëtare dhe do të krijojë një shoqëri më kohezive dhe efikase,” tha Trump.
Urdhri shfuqizon një urdhër 25-vjeçar nga ish-presidenti Bill Clinton që kërkonte agjencitë federale dhe grupet e tjera që marrin fonde federale të ofrojnë ndihmë gjuhësore për jo-anglishtfolësit.
Lëvizja pritet të dëmtojë komunitetet e emigrantëve dhe ata që kërkojnë ndihmë për të mësuar anglisht, sipas grupeve të avokimit.
