Pas takimit që Trump pati me kryeministrin izraelit, ai doli me idenë e zhvendosjes së palestinezëve nga Gaza dhe marrjen e Gazës për ta shëndrruar siç tha ai në Rivierën e Lindjes së Mesme.
Që nga atëherë Trump ka ushtruar presion vazhdimisht, veçanërisht mbi aleatët e SHBA-së, Jordaninë dhe Egjiptin, për të marrë palestinezë nga Gaza, të cilët pretendojnë se territori është pjesë e një atdheu të ardhshëm.
Presidenti Donald Trump, shkoi së fundmi një hap më tej duke thënë se palestinezët në Gaza nuk do të kishin të drejtë të kthehen sipas planit të tij për “pronësinë” e SHBA-së mbi territorin e shkatërruar nga lufta, duke kundërshtuar zyrtarë të tjerë në administratën e tij që kanë kërkuar të argumentojnë se Trump po bënte thirrje vetëm për zhvendosjen e përkohshme të popullsisë së saj, ka raportuar AP.
Një zyrtar i lartë i Hamasit i kritikoi si “absurde” komentet e fundit të Presidentit Trump në lidhje me pronësinë amerikane të Gazës.
Izzat al-Rishq, një anëtar i byrosë politike të Hamasit, tha se komentet “pasqyrojnë një injorancë të thellë të Palestinës dhe rajonit”.
Në komentet e lëshuara nga Hamasi herët të hënën, ai tha se qasja e Trump ndaj çështjes palestineze do të dështojë.
Këtë plan e kanë kundërshtuar dhe e kanë quajtur të papranueshëm edhe vendet aleate të Shteteve të Bashkuara në Lindjen e Mesme si dhe vendet europiane.
