Presidenti i SHBA-së, Donald Trump, të dielën ka thënë se Izraeli ka pranuar kushtet e tij, duke i bërë thirrje Hamasit ta bëjë të njëjtën gjë.
Ai ka thënë se ky është “paralajmërimi i fundit” për Hamasin.
“Izraelitët i kanë pranuar kushtet e mia. Është koha që edhe Hamasi ta pranojë. E kam paralajmëruar Hamasin për pasojat e mospranimit. Ky është paralajmërimi im i fundit, nuk do të ketë një tjetër!”, ka shtuar ai në Truth Social.
Siç raportojnë mediat ndërkombëtare, sipas marrëveshjes, Hamasi do të lirojë të gjithë 48 pengjet e mbetura në ditën e parë të armëpushimit në këmbim të mijëra të burgosurve palestinezë të burgosur në Izrael dhe do të negociojë një fund të luftës gjatë një armëpushimi në enklavë.
