Presidenti amerikan, Donald Trump foli për mediat pasi mbërriu në Egjipt për një samit ku pritet të nënshkruhet zyrtarisht një plan paqeje për Gazën.
Gjatë konferencës për shtyp, Trump vlerësoi lartë homologun e tij egjiptian, Abdel Fattah el-Sisi për kontributin në përpjekjet diplomatike për zgjidhjen e konfliktit me Hamasin.
Duke folur për rolin e Egjiptit në këto zhvillime, Trump deklaroi: “el-Sisi kishte një rol shumë të rëndësishëm në negociatat me Hamasin.” Ai shtoi më tej: “Shtetet e Bashkuara janë me të gjatë gjithë kohës.”
I pyetur nga gazetarët nëse faza e dytë e negociatave kishte filluar, Trump u përgjigj: “Ka filluar, për sa na përket neve”, citon Al Jazeera.
Ai theksoi kompleksitetin e procesit, duke shtuar: “Faza e dytë ka filluar dhe e dini që të gjitha fazat janë paksa të përziera me njëra-tjetrën.”
