Presidenti amerikan, Donald Trump ka thënë se do të flas me presidentin rus, Vladimir Putin të martën.
Udhëheqësi amerikan zbuloi bisedën e ardhshme për gazetarët ndërsa fluturonte nga Florida në Uashington me Air Force One të dielën në mbrëmje.
“Do të shohim nëse kemi diçka për të shpallur ndoshta deri të martën. Do të flas me presidentin Putin të martën”, tha Trump. “Shumë punë është bërë gjatë fundjavës. Ne duam të shohim nëse mund ta çojmë deri në fund atë luftë.”
Trump tha se toka dhe termocentralet janë pjesë e bisedës rreth mbylljes së luftës, raporton AP.
I dërguari i posaçëm i Trumpit, Steve Witkoff kohët e fundit vizitoi Moskën për të çuar përpara negociatat dhe ai tha më herët të dielën se një telefonatë midis Trump dhe Putin mund të vijë së shpejti.
