Presidenti amerikan, Donald Trump ka nënshkruar një projektligj për financimin e qeverisë të mërkurën në mbrëmje, duke i dhënë fund një mbylljeje rekord 43-ditore që shkaktoi stres financiar për punonjësit federalë të cilët mbetën pa paga, bllokuan dhjetëra udhëtarë në aeroporte dhe krijuan radhë të gjata në disa banka ushqimore.
Mbyllja e qeverisë i rriti përçarjet partiake në Uashington, ndërsa Trump ndërmori veprime të paprecedentë të njëanshme – duke përfshirë anulimin e projekteve dhe përpjekjen për të pushuar nga puna punonjësit federalë – për të ushtruar presion mbi demokratët që të tërhiqeshin nga kërkesat e tyre.
Presidenti amerikan fajësoi demokratët për situatën dhe sugjeroi që votuesit nuk duhet ta shpërblejnë partinë gjatë zgjedhjeve të mesit të mandatit të vitit të ardhshëm, shkruan AP.
“Prandaj, dua t’i them popullit amerikan se nuk duhet ta harroni këtë”, tha Trump. “Kur të arrijmë te zgjedhjet e mesit të mandatit dhe gjëra të tjera, mos harroni se çfarë i kanë bërë vendit tonë.”
Ceremonia e nënshkrimit ndodhi vetëm disa orë pasi Dhoma e Përfaqësuesve e miratoi masën me një votim kryesisht sipas linjës partiake prej 222 votash pro dhe 209 kundër. Senati e kishte miratuar tashmë masën të hënën.
