Presidenti Donald Trump dhe Presidenti rus Vladimir Putin mbajtën një konferencë për shtyp pas takimit.
Presidenti amerikan Donald Trump ne këtë konferencë tha se ai dhe presidenti rus Vladimir Putin “bënë disa hapa përpara” dhe “përparim të madh” në takimin e tyre dypalësh.
Megjithatë, ai shtoi: “Nuk ka marrëveshje derisa të ketë një marrëveshje.”
Tutje Trump tha se atë të cilin do ta telefonojë të parin pas këtij takimi do të jetë presidenti i Ukrainës.
“Do të telefonoj NATO-n pas pak. Do të telefonoj persona të ndryshëm që mendoj se janë të përshtatshëm. Dhe, sigurisht, do të telefonoj presidentin [Volodymyr] Zelensky dhe do t’i tregoj për takimin e sotëm. Në fund të fundit, kjo është në dorën e tyre,” tha Trump.
“Kemi pasur një takim jashtëzakonisht produktiv, dhe shumë pika u dakorduan,” por Trump tha: “Nuk arritëm deri atje, por kemi një shans shumë të mirë për ta arritur.”
Trump dhe Putin nuk morën pyetje në konferencën për shtyp pas deklaratave të tyre.
Presidenti Putin e hapi fjalimin dhe foli për rreth tetë minuta.
