Donald Trump ka paralajmëruar Rusinë se do përballet me tarifa të larta dhe sanksione të mëtejshme nëse Vladimir Putin nuk arrin t’i japë fund luftës në Ukrainë.
Ai ka shkruar në platformën e tij të mediave sociale “Truth Social”, se duke nxitur për të ndaluar luftën ai po i bënte Rusisë dhe presidentit të saj një “favor shumë të madh.
Trump kishte thënë më parë se do të negocionte një zgjidhje për pushtimin në shkallë të plotë të Rusisë të nisur në shkurt 2022, brenda një dite të vetme.
Kievi nuk dëshiron të heqë dorë nga territori i tij, megjithëse presidenti Volodymyr Zelensky ka pranuar se mund t’i duhet të heqë dorë përkohësisht nga disa toka të okupuara aktualisht.
Trump mbajti një një konferencë shtypi të marten ku tha se, do të fliste me Putinin “shumë shpejt” dhe “duket e mundshme” se ai do të aplikonte më shumë sanksione nëse udhëheqësi rus nuk do të vinte në tryezë.
Por në postimin e tij në Truth Social të nesërmen, ai shkoi më tej duke thënë se: “Unë do t’i bëj Rusisë, ekonomia e së cilës po dështon, dhe Presidentit Putin, një favor shumë të madh.”
“Merruni vesh dhe ndaloni këtë luftë qesharake! VETËM DO TË PERKEQESOHET. Nëse nuk bëjmë një “marrëveshje”, së shpejti, nuk kam zgjidhje tjetër veçse të vendos nivele të larta taksash, tarifash dhe sanksionesh për çdo gjë që Rusia i shet ShBA-ve dhe vendeve të tjera pjesëmarrëse ”.
Duke vazhduar, ai shkroi: “Le ta mbarojmë këtë luftë, e cila nuk do të kishte filluar kurrë nëse do të isha President! Ne mund ta bëjmë atë në mënyrën e lehtë, ose në mënyrën e vështirë – dhe mënyra e lehtë është gjithmonë më e mirë. Është koha për të ‘BËRË NJË MARRËVESHJE’.”
Në ndërkohë Kremlini zyrtar i është përgjigjur deklaratave të Trump duke thënë se ata janë të gatshëm për “një dialog me respekt reciprok”, raporton BBC.
Presidenti ukrainas Volodymyr Zelensky tha të martën në Forumin Ekonomik Botëror, që po mbahet në Zvicër, se do të nevojiteshin të paktën 200,000 paqeruajtës për çfarëdo marrëveshje.
