Presidenti amerikan, Donald Trump tha se ka autorizuar Departamentin e Tregtisë dhe Zyrën e Përfaqësuesit të Tregtisë të SHBA-së të vendosin një tarifë 100% “për çdo film që vjen në vendin tonë dhe që prodhohet në vende të huaja”.
Industria e Filmit në Amerikë po vdes shumë shpejt”, shkroi ai nw platformën e tij Truth Social duke u ankuar se vendet e tjera “po ofrojnë të gjitha llojet e stimujve për të tërhequr” regjisorët dhe studiot larg SHBA-së.
“Ky është një përpjekje e përbashkët nga kombet e tjera dhe, për këtë arsye, një kërcënim për Sigurinë Kombëtare. Është, përveç gjithçkaje tjetër, mesazh dhe propagandë!”
Nuk ishte menjëherë e qartë se si mund të zbatohej një tarifë e tillë mbi prodhimet ndërkombëtare. Është e zakonshme që filmat e mëdhenj dhe të vegjël të përfshijnë prodhim në SHBA dhe në vende të tjera.
Filmat me buxhet të madh si filmi i ardhshëm “Mission: Impossible — The Final Reckoning”, për shembull, xhirohen në të gjithë botën.
Prodhimi i përgjithshëm në SHBA ra me 26% vitin e kaluar krahasuar me vitin 2021, sipas të dhënave nga ProdPro, e cila monitoron prodhimin.
Sondazhi vjetor i grupit me drejtuesit, i cili pyeti për vendet e preferuara të xhirimit, zbuloi se asnjë vend në SHBA nuk u rendit në pesë vendet e para, sipas Hollywood Reporter. Toronto, Mbretëria e Bashkuar, Vankuveri, Evropa Qendrore dhe Australia dolën në krye, me Kaliforninë në vendin e gjashtë, Xhorxhian në vendin e shtatë , Nju Xhersin në të tetin dhe Nju Jorkun në të nëntin.
