Presidenti amerikan, Donald Trump i cilësoi sulmet e fundit SHBA-Izrael ndaj objekteve bërthamore të Iranit si një goditje vendimtare, duke krahasuar ndikimin e tyre me bombardimet e Hiroshimës dhe Nagasakit gjatë Luftës së Dytë Botërore.
Gjatë deklaratës së tij për shtyp në Samitin e NATO-s ku po merrte pjesë, Trump përmendi analogjitë e Luftës së Dytë Botërore, duke deklaruar: “Ai goditje i dha fund luftës. Nuk dua të përdor një shembull të Hiroshimës. Nuk dua të përdor një shembull të Nagasakit. Por kjo ishte në thelb e njëjta gjë. Kjo i dha fund asaj lufte.”
Ai sërish hodhi poshtë përfundimet e inteligjencës amerikane se sulmet amerikane në tre bazat bërthamore iraniane, nuk kishin shkatërruar tërësisht programin bërthamor, por veçse e kanë vonuar për disa muaj.
Duke i quajtur gjetjet e inteligjencës si “shumë të paqarta”, Trump këmbënguli se operacioni rezultoi në “zhdukje të plotë”.
“Ishte zhdukje dhe do ta shihni këtë”, u tha ai gazetarëve, duke përsëritur besimin e tij se sulmet arritën qëllimin e tyre për të ndaluar ambiciet bërthamore të Iranit
Ai poashtu deklaroi se nuk është i interesuar që të rifillojë bisedimet me Iranin për programin e tij bërthamor, pasi synimi tashmë është arritur.
“Nuk më intereson nëse kam apo jo një marrëveshje”, pohoi ai. “Ne shkatërruam armën bërthamore. Nga mënyra se si e shoh unë, ata luftuan, lufta ka mbaruar”.
Pavarësisht se u kritikua nga disa qarqe për përshkallëzimin e tensioneve rajonale, Trump u përshkrua nga disa udhëheqës të NATO-s si “një njeri i paqes” gjatë samitit.
