TËVË 1 - Lexoje të vërtetën!
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE
22 °c
Pristina
No Result
View All Result
TËVË 1 - Lexoje të vërtetën!
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE
22 °c
Pristina
No Result
View All Result
TËVË 1 - Lexoje të vërtetën!
No Result
View All Result

Triumfi i dyfishtë kundër kancerit

nga TËVË 1
4 Shkurt, 2024
0
A A
Triumfi i dyfishtë kundër kancerit

Për dy vjet të gjatë nuk pajtohej dot me faktin që “i mungonte një pjesë e trupit”.

Ndihej vazhdimisht nervoze, e shqetësuar dhe në ankth.

E diagnostikuar me kancer në gji, Mehreme Demajt iu desh t’i nënshtrohej mastektomisë, apo operacionit për heqjen e gjirit, në vitin 2021.

Muajt pas ndërhyrjes i kishte të vështirë – me kimioterapi, rrezatime e efekte që i shkaktonin ato – por nuk ishin periudha e vetme e mundimshme.

“Heqjen e gjirit e kam përjetuar më rëndë… ishte një parehati, një pjesë që të mungon… është e vështirë të përshkruhet me fjalë”, thotë Mehremja në të 60-tat e saj.

Teksa tregon se ishte interesuar vazhdimisht se si ta gjente një mënyrë “për kthimin e improvizuar të gjirit”.

Dhe, pas rekomandimeve të disa profesionistëve shëndetësorë, kishte përfunduar në Qendrën Klinike Universitare të Kosovës.

“Ka qenë e martë dhe jam takuar me doktoreshën Violetë… Më ka pritur shumë mirë, sikur të njiheshim me vite të tëra. M’i ka shpjeguar të gjitha procedurat, ka thirrur ekipin e mjekëve, jemi konsultuar bashkë dhe kemi vendosur për datën”, rrëfen Mehremja përvojën e kaluar në fund të vitit të shkuar.

Operacionin për rikonstruktim të gjirit e kaloi me sukses – çfarë i riktheu si vetëbesimin, ashtu edhe dëshirën për të vazhduar me profesionin e ekonomistes.

“Jemi mësuar të dëgjojmë në media se në QKUK duhet të blesh gjithçka vetë… Mirëpo, në sekondë, kam thënë se do të shkoj… Nëse bëhet, mirë; nëse nuk bëhet, të jemi shëndosh…”, kujton Mehremja dhe tregon se është befasuar për të mirë.

“Për këtë intervenim nuk kam shpenzuar asnjë cent”, thotë ajo.

Në QKUK, vitin e kaluar, ka nisur të kryhet falas rikonstruktimi i gjirit – procedurë që në spitalet private kushton deri në 1.500 euro.

Në Shërbimin Spitalor Klinik dhe Universitar të Kosovës, i cili mbikëqyr QKUK-në dhe spitalet rajonale, konfirmojnë se për këtë qëllim kanë ndarë mbi 70.000 euro.

“Ky është një projekt mjaft madhor dhe mund të them se po realizohet me mjaft sukses”, thotë Violeta Zatriqi, drejtoreshë e Klinikës së Kirurgjisë Plastike, ku edhe bëhet rikonstruktimi i gjirit.

Deri në fund të vitit të kaluar, aty janë kryer rreth 60 intervenime për rikonstruktim të gjirit, kurse në radhë kanë qenë edhe mbi 40 raste të tjera.

Kanceri në gji është ndër llojet më të zakonshme të kancerit në Kosovë.

Nga të dhënat nga Klinika e Onkologjisë në QKUK, vitin e kaluar janë regjistruar 461 raste me kancer në gji. Të dhënat, po ashtu, flasin për rritje të numrit të rasteve me kancer ndër vite.

Në prag të Ditës Botërore të Kancerit, që shënohet çdo 4 shkurt, Organizata Botërore e Shëndetësisë publikoi këtë javë një raport, sipas të cilit, tri llojet kryesore të kancerit në vitin 2022 kanë qenë ai i mushkërive, i gjirit dhe i kolorektalit (zorrës së trashë).

Sipas OBSH-së, me kancer në mushkëri janë regjistruar mbi 2.5 milionë raste në të gjithë botën, të cilat kanë përbërë 12.4 për qind të totalit të rasteve të reja.

OBSH-ja e përkufizon kancerin si “një grup të madh sëmundjesh, që mund të prekin pothuajse çdo organ ose ind të trupit, kur qelizat anormale rriten në mënyrë të pakontrolluar”.

Sipas saj, ai është shkaku i dytë kryesor i vdekjeve në nivel global, pas sëmundjeve kardiovaskulare.

“Shumë sisteme shëndetësore në vendet me të ardhura të ulëta dhe të mesme janë më pak të përgatitura për ta menaxhuar këtë barrë dhe një numër i madh i pacientëve me kancer nuk kanë qasje në diagnostikimin dhe trajtimin cilësor në kohë”, vlerëson OBSH-ja.

Në vendet ku sistemet shëndetësore janë të forta, sipas saj, shkalla e mbijetesës së shumë llojeve të kancerit është duke u përmirësuar, shkruan REL.

Në Kosovë, Klinika e Onkologjisë në QKUK është e vetmja qendër ku të prekurit me kancer marrin kimioterapi apo trajtime të tjera të nevojshme për ta.

Numri i atyre që kontrollohen apo marrin shërbime aty, shkon në afro 50.000 në vit.

Klinika i ka rreth 60 shtretër dhe barnat aty herë pas here mungojnë, çfarë i detyron pacientët ose ta shtyjnë trajtimin, ose t’i blejnë vetë ato.

E, Mehremja, që thotë se ndihet mirë me trupin e saj, i sugjeron gratë tjera që kanë fat të ngjashëm me të, të mos dorëzohen edhe “kur u duket se është vonë”.

Tags: kanceriMehreme DemajQKUK
ShareTweet

Postime të ngjashme

Ndalohen dy shtetas të Jordanisë për kalim ilegal të kufirit

Ndalohen dy shtetas të Jordanisë për kalim ilegal të kufirit

Gruaja nga Prishtina raporton se në shtëpi iu vodhën para dhe stoli ari

Gruaja nga Prishtina raporton se në shtëpi iu vodhën para dhe stoli ari

Mbishkrime “Kosova është Serbi” në veri, Policia nis hetimet

Mbishkrime “Kosova është Serbi” në veri, Policia nis hetimet

Armëmbajtje pa leje në Shtime dhe në Ferizaj, një i dyshuar dërgohet në mbajtje

Lipjan, tri të mitura tentojnë të arratisen nga strehimorja e rehabilitimit

Kandidati i mundshëm për president të Kolumbisë qëllohet me armë zjarri

Kandidati i mundshëm për president të Kolumbisë qëllohet me armë zjarri

Ndalohen dy shtetas të Jordanisë për kalim ilegal të kufirit

Ndalohen dy shtetas të Jordanisë për kalim ilegal të kufirit

Gruaja nga Prishtina raporton se në shtëpi iu vodhën para dhe stoli ari

Gruaja nga Prishtina raporton se në shtëpi iu vodhën para dhe stoli ari

Mbishkrime “Kosova është Serbi” në veri, Policia nis hetimet

Mbishkrime “Kosova është Serbi” në veri, Policia nis hetimet

Armëmbajtje pa leje në Shtime dhe në Ferizaj, një i dyshuar dërgohet në mbajtje

Lipjan, tri të mitura tentojnë të arratisen nga strehimorja e rehabilitimit

Vdes një person në vendin e punës në Drenas, policia nis hetimet

Rrëmbehet një vajzë në Gjilan

Frutat dhe perimet më të pasura me ujë që iu mbajnë të hidratuar gjatë ditëve të nxehta

Frutat dhe perimet më të pasura me ujë që iu mbajnë të hidratuar gjatë ditëve të nxehta

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE

Social Media

© 2022 - 2025 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE

© 2022 - 2025 TËVË 1 - lexoje tëvërtetën

X