Një grevë të përgjithshme të mësimdhënësve, Sindikata e Bashkuar e Arsimit, Shkencës dhe Kulturës e kishin mbajtur edhe në vitin 2019. E kjo periudhë, ishte koha kur Lëvizja Vetëvendosje ishte në opozitë.
Në atë kohë për këto greva, e para e ministrisë së Arsimit, Arbërie Nagavci i jepte të drejtë mësimdhënësve.
“Qeveria dhe vet Ministria e Arsimit janë treguar shumë joserioze duke mos trajtuar me kohë kërkesat e mësimdhënësve dhe të SBASHK-ut. Pra, është vet kjo qeveri fajtori kryesor për grevat që po ndodhin sot”, pati deklaruar Nagavci.
Mirëpo, tri vite pas Nagavci nuk ka qëndrim të njëjtë kur përfaqësuesit e SBASHK-ut dhe mësimdhënësit kanë hyrë në grevë duke i kërkuar qeverisë të ia plotësojë disa kushte.
Madje ekzekutivi, vazhdimisht po kërkon që këto greva të ndalen.
Por njohësi i arsimit, Rinor Qehaja po vlerëson se situata sivjet është ndryshe për shkak të inflacionit.
Sipas Qehajes, ekzekutivi duhet të ia sigurojë nëpunësve civil atë që iu takon gjatë kësaj periudhe.
Televizioni ka tentuar të marrë një qëndrim edhe nga ministrja Nagavci. Mirëpo nuk ka marrë përgjigje.
Ndryshe, kjo grevë e përgjithshme e punëtorëve, ka ardhur për shkak të mos realizimit të kërkesave të tyre për mbështetje prej 100 eurove nga ekzekutivi.
Kronika e gazetares Fetije Kamberi.