Tri vajza janë raportuar të zhdukura në Policinë e Kosovës brenda 24-orëve.
Sipas Policisë njëri rast ka ndodhur në Malishevë ku babai i ka raportuar të zhdukura dy vajzat e tij që nga 15 shkurti.
“Më 16.02.2025 Ankuesi m/k ka njoftuar policinë se dy vajzat e tij kanë dalë nga shtëpia dhe nuk janë kthyer. Rasti është nën hetime”, thuhet në raportin e PK-së/
Ndërsa rasti tjetër thuhet se ka ndodhur në Suharekë ku një grua e ka raportuar se që nga 14 shkurti vajza e saj është larguar nga shtëpia dhe nuk dihet asgjë për vendndodhjen e saj.
“Më 16.02.2025 ankuesja femër kosovare ka raportuar se vajza e saj është larguar nga shtëpia dhe nuk dihet asgjë për vendndodhjen e saj. Rasti është nën hetime”, thuhet në raportin 24-orësh të PK-së.
