Njohësi i çështjeve të punës së Kuvendit dhe monitoruesi nga KDI, Eugen Cakolli ka përmendur tre skenarë që mund të ndodhin në seancën konstituive të Kuvendit të martën më 15 prill.
Sipas tij skenari i parë është ai i votimit të kryetarit të Kuvendit, ku më pas presidentja duhet t’i kërkojë LVV-së emrin e kryeministrit.
Cakolli ka treguar se pas zgjedhjes së kryetarit të Kuevendit dhe dekretit të mandatarit për formimin e qeverisë , LVV ka kohë 15 ditë që të sigurojë shumicën prej 61 votash.
Skenari i dytë sipas tij, është ai ku Vetëvendosje nuk propozon emrin e kryetarit dhe kryesuesi i seancës konstituive pezullon seancën për një kohë jo më gjatë se 48 orë.
Skenari i tretë sipas tij është se nëse LVV nuk e ka shumicën parlamentare, do të ketë bllokim që në hapin e parë të seancës.
