Ndonëse jemi vetëm në fazën e tretë të Superligës së Kosovës në futboll, por presionin i mbijetesës sa vjen e shtohet me shumë. Elita e futbollit kosovar hap siparin e xhiros së 24 me tri ndeshje, dhe secila nga skuadrat kërkojnë ti ikin zonës së kuqe.
Drenica dhe Trepça ‘89 do të jetë një nga tri sfidat që do të zhvillohen sot në “Bajram Aliu” në Skënderaj, me dy skuadrat që kanë pikë të barbarta nga 23 por që ndodhën në zonën e kuqe.
Kuqezinjtë pas ardhjes së Blerim Devollit si trajner shijuan fitoren e parë këtë edicion, ndërsa ‘89-shi është ende në gërmime të pikëve të plota.
Sfidë tjetër është ajo mes Ferizajit dhe Llapit, e cila luhet në stadiumin me bari sintetik në Ferizaj.
Të besuarit e Andrej Panadiq kanë nisur mirë stinorin pranveror, por që humbja në udhëtim te Drenica e sjelli prapë në fundin e renditjes, dhe pikën kthese e kërkon pikërisht ndaj skuadrës që e ka mposhtur në dy ndeshje direkt këtë edicion.
Ndërkaq ekipi që udhëhiqet nga trajneri Tahir Batatina, janë në kërkim të largimit nga “ngërçi” pasi që në dy sfidat e kaluar ka pësuar katër gola, duke mos shënuar asnjë. Pavarësisht se te Llapi janë duke kërkuar të jenë top 3 të Superligës, renditja tabelare e thotë më ndryshe edhe pse llapjanët gjenden në pozitën e pesët me 29 pikë, më afër janë rënies në zonën e kuqe se ngritjen në top tre skuadrat me të mira.
Gjithashtu Llapi këtë herë do mendon edhe “thyrjen” e akullit me Ferizajn, pasi nuk ka nuhatur ende fitoren ndaj kësaj skuadre në këtë edicion.
Liman Gegaj në anën tjetër do të jetë arena që do të ketë përplasjen e Malishevës dhe Dukagjinit, skuadra këo që garojnë për të siguruar një vend për mbetje në Superligë, ndonëse në shikim të parë ekipi klinas është i rehatuar në renditjen tabelare, por që pikët e grumbulluara thonë që ndodhet shum afër zonës së kuqe.
Malisheva në xhiron paraprake barazoi me ‘89-shin në Riza Lushta, dhe në shtëpi do mendoi vetëm për maksimumin e pikëve, kurse Dukagjini pas humbjes në “18 Qershori” nga Gjilani, shpreson ti kthehet fitoreve në elitë. Të tri ndeshjet zhvillohen me termin të njëjtë nga ora 13:00. /Tëvë1/