Një person ka kanosur përmes rrjeteve sociale një grua të dielën në Podujevë.
Sipas raportit të policisë, lidhur me rastin është njoftuar prokurori kujdestar.
“Podujevë / 30.03.2025 – 19:40. Është raportuar se i dyshuari mashkull kosovar përmes rrjeteve sociale e kishte kanosur viktimën femër kosovare. Lidhur me rastin është njoftuar prokurori kujdestar dhe rasti procedohet në procedurë të rregullt”, thuhet në raport.
Edhe një rast tjetër ka ndodhur në Podujevë, ku një burrë është arrestuar pasi që i njëjti pas një mosmarrëveshje dyshohet se ka sulmuar dy familjarë të tij dhe kishte demoluar disa orendi shtëpiake.
Pas intervisitimit me vendi të prokurorit, i dyshuari është dërguar në mbajtje.
“Podujevë / 31.03.2025 – 17:00. Është arrestuar i dyshuari mashkull kosovar i cili pas një mosmarrëveshje dyshohet se i ka sulmuar fizikisht dy viktimat meshkuj kosovarë si dhe kishte demoluar disa orendi shtëpiake. Pas intervistimit me vendim të prokurorit, i dyshuari është dërguar në mbajtje”, thuhet në raport të policisë.
Kurse, rasti tjetër ka ndodhur në Prishtinë, ku ndaj një grua kanë ushtruar dhunë fizike dhe psikike dy persona.
Sipas policisë, palët janë intervistuar dhe me vendim të prokurorit janë liruar në procedurë të rregullt.
“Prishtinë / 31.03.2025 – 15:00. Është raportuar se ndaj viktimës femër kosovare është kryer vepra e lartcekur nga dy të dyshuarit meshkuj kosovarë të cilët dyshohet se kanë ushtruar dhunë fizike dhe psikike ndaj saj. Palët janë intervistuar dhe me vendim të prokurorit, janë liruar në procedurë të rregullt”, thuhet ndër të tjera në raport./teve1.info/
