Drita dhe Gjilani është kryendeshja e xhiros së 25-të në Superligën e Kosovës në futboll. Dy skuadrat gjilanase janë në formë të mirë dhe synojnë të vazhdojnë edhe pas ditës së sotme.
Drita është në cilësinë e skuadrës vendase dhe kërkon të rikthehet te fitoret pas barazimit në Suharekë.
Në anën tjetër Gjilani gjithashtu në këtë duel vije pas një barazimi 0-0 me Prishtinën dhe kërkon mos të mposhtet në derbi.
Drita: Maloku, B.Krasniqi, Limani, Vitija, Blakçori, Broja, Jashari, Baftiu, Selmani, Ajzeraj, Tahiri.
Gjilani: Koliçi, Islami, Jashari, Sinani, Hoxha, Musolli, Ramadani, Dabiqaj, Zabergja, Cale, Zeka.
Llapi – Ballkani, është një tjetër sfidë e zjarrtë, e cila pritet të zhvillohet në stadiumin ‘Zahir Pajaziti’ në Podujevë me dy skuadrat që kanë mungesë të rezultateve në tre ndeshjet e fundit.
Llapi ka pësuar tre humbje radhazi, derisa Ballkani ka tre barazime të njëpasnjëshme. Vendasit duan të kthehen te fitoret pasi për momentin rrezikojnë shumë ku kanë vetëm gjashtë pikë më shumë se vendi i fundit Drenica.
Ndërkohë mysafirët pas tre barazimeve të njëpasnjëshme kërkojnë fitoren për ta mbajtur pozitën e parë në tabelë.
Llapi: Avdyli, Maliqi, Krasniqi, Neto, Fernandinho, Shabani, Limani, Selimi, Alidema, Progni, Fazliu.
Ballkani: Ljuljanovic, Ar. Thaqi, Jashanica, As.Thaqi, Potoku, Kuc, Dellova, Emerllahu, Korenica, Zyba, Rrahmani.
Ndërkaq në Lipjan zhvillohet dueli mes Prishtinës dhe Malishevës. Dy skuadrat kanë objektiva krejtësisht të kundërta, me Prishtinën që duan daljen në Evropë dhe Malishevën që kërkojnë mbetjen në elitë.
Prishtina në dy ndeshjet e fundit ka dy barazime, ndërsa Malisheva një barazim dhe një humbje. Të dyja skuadrat kërkojnë pikët për të qëndruar sa më afër objektivave që kanë para vetës.
Prishtina: Kolaj, Bytyqi, Ramadani, Pllana, Mici, Useini, Pefqeli, Gashi, Prapashtica, Krasniqi, Blesa.
Malisheva: Blakcori,Xhaka, Bihorac, Kryeziu, Veliu, Vitija, Mustafa, Maliqi, Tolaj, Hazrollaj, Sobowale.