Mbrojtësi i Kombëtares së Shqipërisë, Enea Mihaj sipas të gjitha gjasave karrierën do ta vazhdoj në La Liga të Spanjës.
Mësohet se Girona, Celta Vigo e Rayo Vallecano janë në garë për shërbimet 26-vjeçarit, i cili po luan në Portugali te Famalicao.
Mihaj që është ftuar nga Sylvinho për ndeshjet e këtij muaji ka kontratë me ekipin portugez deri në fund të sezonit dhe në verë mund të transferohet në Spanjë si lojtar i lirë.
Mihaj ka 25 paraqitje këtë sezon në Portugali, ku po luan prej vitit 2022.
Qendërmbrojtësi ka 19 paraqitje për Kombëtaren e Shqipërisë për të cilën debutoi në vitin 2018.
