Rrugëtimi i Trepçës në këtë edicion të FIBA Europe Cup, fillon të mërkurën.
Skuadra gjelberzi, sot ka udhëtuar për në Francë, ku këtë e kan bërë të ditur përmes rrjeteve sociale.
Mitrovicasit ndodhen në Grupin H, ku do të kenë përballje mjaft të forta.
Në këtë grup garojnë Riesen Ludwigsburg e Gjermanisë, Dijoni i Francës dhe Caledonia Gladiators e Skocisë.
Kampionët e Kosovës ndeshjen e parë do ta kenë ndaj farcezëve të Dijonit, që zhvillohet të mërkurën nga ora 20:00.
Më pas mitrovicasit do të kenë tri ndeshje si vendas, kunder Ludwigsburg më 16 tetor, Caledonia Gladiators 23 tetor dhe përsëri me Dijonin më 30 tetor.
Ky është edicioni i dytë radhazi që kampionët e Kosovës do të marrin pjesë në grupet e FIBA Europe Cup.
“Xehtarët” edhe pse e nisën mirë sezonin me fitimin e Superkupës, ata tani po kan disa probleme, ku në dy ndeshjet e fundit kan pësuar disfata.
Trepça pësoi nga Bashkimi, në ndeshjen e shtyer të xhiros së parë, e më pas edhe nga skuadra e Prishtinës në derbin e xhiros së katërt.
Mitrovicasit kan dy fitore e po aq humbje në këtë edicion të Superligës së Kosovës në basketboll.
Trepça është skuadra e vetme kosovare në FIBA Europe Cup, pasi Peja u ndal në raundin kualifikues duke i humbur me rezultat të thellë në dy ndeshjet parakualifikuese.
