Kampionia e Kosovës në basketboll, Trepça ka preznatuar përforcimin e dytë të huaj për sezonin 2024/25.
Bëhet fjalë për krah-qendrën, Sammy Hunter, i cili është edhe reprezentues i Bahameve.
Për basketbollistin e gjatë 206 centimetra, Trepça do të jetë klubi i tij i parë profesional pasi ka qenë pjesë e ekipit të kolegjit amerikan Akron në NCAA.
Sezonin e fundit, Hunter ka luajtur me një mesatare prej 26 minutave për ndeshje në NCAA, ku ka pasur një mesatare prej 8.7 pikëve dhe 3.6 kërcimeve.
Ai gjithashtu ka luajtur për Bahamet në turneun kualifikues për Lojërat Olimpike “Parisi 2024” kun ë finale të tij është mposhtur nga Spanja.
Para Hunterit, Trepça është forcuar edhe me amerikanin Desmond Cambridge.
Në sezonin 2024/25, Trepça do të paraqitet në kualifikimet për Ligën e Kampionëve ndërsa sezonin e fundit ka dominuar totalisht në basketbollin kosovar.
Krahas triumfit në Superligën, Kupën dhe Superkupën e Kosovës, Trepça e ka fituar edhe Ligën Unike.
