Trepça është skuadra e parë finaliste e “Play-off”-it të ProCredit Superligës. Mitrovicasit fituan mbrëmë në kryeqytet ndaj Sigal Prishtinës 80:84 (18:29, 27:19, 9:10, 26:26) dhe me serinë 3:1 në gjysmëfinale u kualifikuan në finale.
Sfida në Prishtinë ka qenë e jashtëzakonshme, me atmosferë të bukur sportive dhe në parket, që u vendos në fund.
Trepça në finale e pret fituesin nga gjysmëfinalja tjetër Peja-Bashkimi.
Rezultati momental është 2:1 për prizrenasit, derisa sonte zhvillohet ndeshja e katërt gjysmëfinale nga ora 19:00. Skuadra që shënon tri fitore kualifikohet në finale.
