Është barazuar seria e ndeshjeve finale të play-offit në Superligën e Kosovës në basketboll ndërmjet Trepçës dhe Bashkimit.
Kampionia në fuqi, Trepça e ka fituar ndeshjen e dytë ndaj Bashkimit për ta barazuar serinë në 1:1.
Ndeshja e luajtur të mërkurën mbrëma në palestrën “Minatori” në MItrovicë, përfundoi me shifrat 79:72 në të mirë të Trepçës, dhe tani seria bartet në Prizren ku do të zhvillohet ndeshja e tretë të dielën mbrëma.
Përballja e dytë ndërmjet këtyre dy skuadrave ishte shumë më interesante dhe dramatike sesa e para, në të cilën dominoi Bashkimin.
Në Mitrovicë, tre çerekët e parë ishin të barabartë – 20:20, 21:21, 17:17 – për ta bërë edhe më interesante periudhën e fundit, në të cilën u përcaktua fituesi.
Këtë dhjetëminutësh, Trepça e fitoi me 7 pikë epërsi (21:14), dhe arriti ta barazoj serinë finale, në të cilën kampioni shpallet me katër fitore të arritura.
Tekele Cotton me 22 pikë e 8 asistime dhe Michael Myers me 22 pikë e 9 kërcime ishin më të dalluarit te Trepça.
Jayveous McKinnis me 12 pikë e 10 kërcime ishte më efikasi te Bashkimi, ekip ku u veçuan edhe Lejson Zeqiri e Dirk Williams relizuan nga 16 pikë secili.
Bashkimi u penalizua në çerekun e fundit, në të cilin mbeti pa McKinnisin, Eric Copesin e Samir Zekiqin që u larguan për shkak pesë personaleve kurse Zeqiri pësoi lëndim dhe u detyrua të ulet në bankë.
