Mouhamed Barro është basketbollisti i radhës që largohet nga skuadra e Trepçës.
Kampionia në fuqi, të hënën, ka bërë të ditur se me marrëveshje të ndërsjellë i kanë dhënë fund bashkëpunimit me Barron.
Gjithashtu, Trepça ka falënderuar Barron për kontributin e profesionalizimin e treguar gjatë kësaj kohe, si dhe i ka dëshiruar suksese në vazhdim të karrierës.
Barro, në fillim të muajit gusht iu bashkua Trepçës dhe e fitoi Superkupën e Kosovës, ndërsa ka luajtur me një mesatare prej 7 pikëve e 6 kërcimeve për ndeshje.
