Ndërmarrja “Trepça” ka njoftuar se ka larguar nga puna një punëtor të saj për shkak të shkeljes së rëndë të detyrave të punës.
Në njoftimin e publikuar në faqen zyrtare të ndërmarrjes në Facebook, punëtori me inicialet S.B. ka munguar nga puna për më shumë se 68 ditë, çka sipas ndërmarrjes përbën shkelje të rëndë sipas rregullores në fuqi.
Sipas kësaj rregulloreje, shkelje e rëndë konsiderohet mungesa nga puna pa arsye për tri ditë rresht ose për pesë ditë brenda një periudhe 12-mujore.
“Më datë 27.01.2026, Ndërmarrja Trepça Sh.A ka mbajtur shqyrtimin publik në lidhje me rastin e z.S.B Bazuar në raportet zyrtar, i njëjti ka munguar mbi 68 ditë në pune. Pas shqyrtimit të çështjes, Komisioni ka konstatuar shkelje të rëndë të detyrave të punës, në përputhje me nenin 10, paragrafi 1, nënparagrafi 1.27 të Rregullores nr. prot. 2906, datë 30.07.2020, për Përgjegjësinë Disiplinore dhe Materiale të Punëtorëve të Trepça Sh.A. Sipas kësaj rregulloreje, shkelje e rëndë konsiderohet mungesa nga puna pa arsye tri ditë rresht ose pesë ditë brenda 12 muajve.Në bazë të këtyre shkeljeve, Komisioni Disiplinor, me vendim nr. Prot:800 datë 27.01.2026, ka shqiptuar masën disiplinore ndërprerje e marrëdhënies së punës, pasi që i njëjti ka munguar për më shumë se 68 ditë për këtë përudhë është paguar”, thuhet në njoftim./teve1.info/
