Kampionia e Kosovës në basketboll, Trepça do ta luaj sonte ndeshjen e pestë apo të parafundit të fazës së grupeve në FIBA Europe Cup.
Prej orës 19:30, Trepça do të përballet me ekipin e Ludwigsburgut në Gjermani, i cili i prinë Grupit H me 7 pikë, tri më shumë se mitrovicasit që renditen të fundit.
Në katër ndeshje të luajtura deri më tani në këtë garë, Trepça ka regjistruar po aq humbje, përfshirë këtu edhe duelin me Ludwigsburgun të luajtur në Mitrovicë, i cili ka përfunduar me shifrat 70:57 në favor të gjermanëve.
Te Trepça kanë premtuar angazhim maksimal në këtë përballje dhe paraqitje sa më të mirë, ndërsa shpresojnë në përkrahjen e madhe të tifozëve shqiptar në Gjermani.
Pas duelit me Ludwigsburgun, Trepça ndeshjen e fundit e luan në udhëtim ndaj skocezëve të Caledonia Gladiators.
Për Trepçën, kjo është hera e dytë rresht që paraqitet në grupet e FIBA Europe Cup, ndërsa këtë sezon në këtë garë po merr pjesë pas eliminimit në turneun kualifikues të Ligës së Kampionëve.
