Kampionia e Kosovës në basketboll, Trepça sonte do ta luaj ndeshjen e parë në fazën e grupeve të FIBA Europe Cup.
Trepça do të jetë mysafire e ekipit nga Franca, Dijon, në ndeshjen që nis në ora 20:00 dhe i takon Grupit H.
Për Trepçën, ky është sezoni i dytë rresht që luan në grupet e FIBA Europe Cup, ndërsa është këtë stinor është autsajdere.
Sezonin e shkuar, Trepça regjistroi tri humbje e një fitore në katër ndeshje të luajtura për t’i dhënë fund aventurës debutuese në Evropë.
Këtë sezon, Trepça siguroi fazën e grupeve të FIBA Europe Cup pas eliminimit në turneun kualifikues të Ligës së Kampionëve.
Ndërkohë, krahas Dijonit, mitrovicasit do të përballen edhe me Ludëigsburgun e Gjermanisë dhe Caledonia Gladiators të Britanisë së Madhe në kuadër të Grupit H.
Kundërshtari i parë i Trepçës, Dijoni, për herë të parë garon në FIBA Europe Cup, që është niveli i dytë i garave të organizuar nga FIBA. Është ekip me traditë në Francë, ku ka fituar tri herë kupën dhe një herë Superkupën e këtij vendi.
Sezonin e kaluar, Dijoni përfundoi i nënti në Francë kurse Trepça dominoi plotësisht në Kosovë duke fituar të gjithë trofetë e mundshëm.
Trepça është skuadra e vetme nga Kosova që këtë sezon po paraqitet në stinorin e rregullt të njërës prej garave të organizuara nga FIBA.
