Trepça gjysmëfinalisti i tretë i turneut të Superkupës së Kosovës në basketboll. Në ndeshjen e zhvilluar këtë të enjte në Prishtinë, ekipi nga Mitrovica ka shënuar fitore të thellë 82:66 ndaj Rahovecit në ndeshjen çerekfinale.
Ekipi mitrovicas dallimin në këtë ndeshje e bëri në çerekun e dytë, dhe u shkëput për së tepërmi nga Rahoveci. Në periudhën e parë Trepça triumfoi 25:22, teksa në të dytën shënoi 26 dhe pranoi vetëm shtatë nga vreshtarët për të shkuar në pushim 51:29.
Ndërkaq në dy çerekat e fundit mitrovicasit mbajtën epërsinë e krijuar, teksa vreshtarët krejt çka arritën të bëjnë në këto dy periudha ngushtuan epërsinë në vetëm 16 pikë, 82:66.
Skuadra e Trepçës bëri dallimin në çerekun e dytë kur edhe u shkëput në rezultat nga Rahoveci, pasi periudhën e parë e fitoi me vetëm tri pikë epërsi (25:22). Çerekun e dytë, Trepça shënoi 26 pikë dhe e limitoi Rahovecin në vetëm shtatë sosh për të shkuar në pushim me shifrat 51:29.
Drilon Hajrizi ndeshjen e mbylli më 19 pikë të shënuara, i përcjellë nga Erjon Kastrati (15) e Andrew Gordon (14). Kurese te Rahoveci, më i dalluari ishte Jahii Carson me 20 pikë kurse Ramadan Zekiqi shtoi 16 sosh.
Trepça në gjysmëfinale do të luajë kundër fituesit të duelit të katërt çerekfinal ndërmjet Pejës dhe Bashkimit, i cili nis në orën 20:30.