Sot, skuadrat nga Kosova, do ti zhvillojnë ndeshjet e xhiros së dytë, në grupet e FIBA Europe Cup.
Pas debutimit në Zagreb ndaj Cibonës, skuadra e Bashkimit do të luajë sonte ndeshjen e dytë në fazën e grupeve të FIBA Europe Cup, këtë herë si mysafire e ekipit italian Reggiana.
Takimi zhvillohet në Itali, me fillim nga ora 20:00, ku portokallezinjtë e Prizrenit do të kërkojnë paraqitje më të fortë pas humbjes në ndeshjen hapëse ndaj Cibonës, një prej klubeve më të njohura të rajonit.
Në anën tjetër, Reggiana e ka nisur garën evropiane me fitore, pasi në javën e parë triumfoi ndaj skuadrës franceze Dijon, duke dëshmuar formë të mirë dhe ambicie për të shkuar larg në këtë kompeticion.
Bashkimi do ta kërkoj fitoren e parë në këtë kompeticion evropian, teksa në Superligën e Kosovës ata kanë bilanc pozitiv me dy fitore në po aq ndeshje.
Ndërkohë, nga ora 18:30, në palestrën “Minatori” në Mitrovicë, skudra e Trepçës është duke u përballur me Braunchweigun e Gjermanisë.
Trepça do të kërkojë reagimin e duhur përpara publikut të vet, për të regjistruar fitoren e parë në këtë edicion të FIBA Europe Cup dhe për të mbajtur gjallë shpresat për kualifikim nga Grupi.
Sa i përket garave vendore, në Superligë kampionët aktual kan një fitore dhe një barazim.
