Për dallim prej ndeshjes së parë finale të play-offit në Superligën e Kosovës në basketboll, ku nuk pati atmosferë, në të dytën pritet një atmosferë e zjarrtë.
Sot, prej orës 19:00 Trepça e pret Bashkimin në palestrën “Minatori” në Mitrovicë, e cila pritet të jetë e stërmbushur.
Bashkimi, të dielën e shkuar e fitoi finalen e parë, por palestra ishte e zbrazur për shkak të dënimit të ekipit nga Prizreni.
Kështu që, të dyja skuadrat kërkojnë fitoren në këtë përballje, ku Bashkimi synon të avancoj 2:0 kurse Trepça ta barazoj në 1:1 serinë.
Kampion shpallet ekipi që i shënon katër fitore kurse Bashkimi ka përparësinë e terrenit, me ndeshjet që luhet të dielën në Prizren dhe të mërkurën në Mitrovicë.
Trepça ka dominuar vitet e fundit në basketboll dhe po synon titullin e tretë rresht kurse të gjashtin në histori të klubit.
Në anën tjetër, Bashkimi po kërkon titullin e dytë pasi të parin e fitoi në vitin 2018.
