Një person ka vdekur dhe tre të tjerë kanë mbetur të lënduar si pasojë e goditjes së një veture nga treni, mesditën e së dielës në fshatin Jagodë të Klinës.
Lajmin për tëvë1.info e ka konfirmuar zëdhënësi i Policisë për rajonin e Pejës, Fadil Gashi i cili ka bërë të ditur se vdekjen e viktimës e ka konstatuar mjeku kujdestar në vendngjarje.
Ndërkaq, të lënduarit tjerë ai ka thënë se janë dërguar për trajtim në Emergjencën e Spitalit Rajonal në Pejë.
“Sot, rrëth ores 12:35 minuta Policia ështe njoftuar se në fshatin Jagodë-Klinë, treni ka goditur nje veturë. Policia, zjarrëfiksit dhe ambulanca kanë dal në vendngjarje. Mjeku kujdestar për një person ka konstatuar vdekjen në vendngjarje gjersa tre të lënduarit tjerë janë derguar për tretman në Emergjencën e Spitalit Rajonal në Pejë. Në vendngjarje kanë dal edhe hetuesit e aksidenteve. Eshte njoftu Prokurori i Shtetit”, ka thënë Gashi.
