Në këtë gjendje përfundoi një veturë pas goditjes nga treni në vendin e quajtur “Kroi i Njelmët” në rrugën Prishtinë – Fushë Kosovë, me ç’rast shoferi dhe pasagjeri i veturës morën lëndime të lehta.
Të lënduarit, siç njofton zëdhënësja e Policisë, Flora Ahmeti, u dërguan për tretman mjekësor.
Në vendin e ngjarjes dolën përfaqësues nga Trainkos, por që nuk ishin të qasshëm të deklarohen në lidhje me aksidentin.
Atyre iu bashkua pak minuta më vonë, edhe hetuesi i aksidenteve hekurudhore në kuadër të Zyrës së Kryeministrit, Martin Halilaj.
Halilaj potencoi se në javët në vijim do të dalin edhe me rekomandime për palët kompetente.
Një pjesë të fajit të aksidenteve hekurudhore, eksperti i komunikacionit, Nol Dedaj, ia lë sinjalizimeve jo të duhura.
Pas hetimeve në vendngjarje, treni vazhdoi rrugën për në Pejë, ku edhe e kishte si destinacion.
Kronika e gazetares Florijeta Dernjani.
