Prokuroria e Kosovës, ka dhënë detaje për arrestim e tre personave të dyshuar për sulmin ndaj gazetari Valon Syla.
Në komunikatë e Prokurorisë thuhet se të arrestuarit L.D, K.H dhe O.H. dyshohen se kanë kryer veprën penale ‘’Nxitje e përçarjes dhe mos durimit’’.
“Prokuroria Speciale njofton se pas një angazhimi intensiv të hetuesve të Policisë së Kosovës, përkatësisht Drejtorisë Kundër Terrorizmit, është arritur që të identifikohen tre (3) të dyshuarit, për rastin e sulmit fizik të datës 11.04.2023, ndaj gazetarit Valon Syla, arrestimi i të cilëve është realizuar sot me datë 12.04.2023”, thuhet në komunikatë përcjell teve1.info.
Prokuroria ka thënë se të dyshuarit janë dërguar në mbajtje, si dhe brenda afateve ligjore do të kërkohet caktimi i masës së paraburgimit.
Gazetari Valon Syla është sulmuar fizikisht të martë në mbrëmje ku edhe ka pranuar tretman mjekësor./teve1.info/
https://teve1.info/lajmet/valon-syla-u-sulmova-nga-tre-persona-qe-ne-dukje-ishin-islamik-fanatik/
