Tre të rinj shqiptarë që ishin nisur drejt Gjermanisë, janë rrahur sot në mënyrë barbare në Mal të Zi.
Ata sapo kanë zbritur nga trageti në Kotorr rreth orës 13:30, janë goditur me grushte e shkelma nga tetë persona civilë, ende të paidentifikuar, të cilët ishin të veshur me uniforma ushtarake.
Njëri prej tyre ndodhet në gjendje më të rëndë shëndetësore dhe për momentin po merr ndihmë mjekësore në urgjencën e spitalit në Mal të Zi.
Shqiptarët nuk kanë shkëmbyer asnjë fjalë me personat që i kane nxjerrë me forcë nga makina dhe rrahur, andaj nuk dihet nacionaliteti i tyre. Të afërmit e tyre kanë kërkuar ndihmë nga policia shqiptare.
Ministria e Brendshme e Shqipërisë ka njoftuar se ministri Taulant Balla ka marrë në kontakt ministra të Qeverisë së Malit të Zi dhe ka kërkuar informacion lidhur me rastin. /EuronewsAl
