Ministri i Shëndetësisë, Arben Vitia ka njoftuar se nga tetë policët e lënduar mbrëmjen e së premtes në aksident, pesë prej tyre janë liruar për në shtëpi, kurse tre gjenden në QKUK.
Vitia ka vizituar të lënduarit dhe ka treguar se gjendja e tyre është stabile dhe janë jashtë rrezikut për jetë.
“Njëri do të transferohet në Klinikën e Ortopedisë, njëri në Klinikën e Kirurgjisë Torakale dhe njëri pas observimit në Klinikën Emergjente pritet të tranferohet në Klinikën e Neurokirurgjisë. I gjithë stafi në spitalin e pergjithshëm në Mitrovicë dhe Klinikën Emergjente në QKUK janë mobilizuar duke reaguar shpejt dhe në menyrë profesionale”, ka shkruar ministri.
Ndryshe, disa policë janë lënduar si pasojë e një aksidenti që autoblinda e Policisë së Kosovës është përfshirë në mbrëmjen e së premtes në veri.
Zëvendësdrejtori i Policisë për rajonin e veriut, Veton Elshani, ka konfirmuar se tetë policë janë lënduar.
“Rreth orës 20.00 në fshatin Grabovc ka ndodh një vet aksident ku është involvuar një mjet i blinduar i policisë dhe disa polic.
Ka të lënduar por gjendja e tyre është stabile (sipas mjekëve). Të lënduarit janë në spitalin rajonal Mitrovica Jugu”, tha ai./teve1.info/
