Tre persona kanë mbetur të lënduar në një aksident komunikacioni i cili ka ndodhur në rrugën nacionale Pejë-Prishtinë (Gjurgjicë).
Në këtë aksident të cilin e ka konfirmuar edhe Policia e Kosovës, siç shihet edhe nga fotografitë e bëra nga teve1.info, janë përfshirë tri vetura, të cilat kanë pësuar dëme të mëdha.
“Pak para orës 18:00, policia është njoftuar për një aksident trafiku të ndodhur në rrugën nacionale Pejë-Prishtinë (Gjurgjicë). Në aksident janë përfshirë tri vetura. Si pasojë e aksidentit tre persona kanë pësuar lëndime. Njësia policore është duke u marrë me aksidentin”, ka thënë zëdhënësi i Policisë së Kosovës, Bajram Krasniqi për teve1.info
Ndërsa, në vendin e ngjarjes janë ekipet mjekësore.
