Xhiro e 15 e elitës kosovare në futboll fillon sot.
3 ndeshje interesante e karakterizojnë ditën e shtunë në Superligën e Kosovës.
Trepça 89 do të jetë nikoqire e skuadrës së Drenicës. Minatorët ndodhen në pozitën e 9 në tabelë ku në ndeshje 13 akumulan 12 pikë, ndërsa kuq e zinjtë ndodhen në pozitën e 5 me 17 pikë në 14 ndeshje.Dueli do të zhvillohet në stadiumin “Riza Lushta” të Mitrovicës me fillim të orës 13:00.
Ndeshja tjetër me po të njëjtin orar është në mes Dukagjinit dhe Malishevës.Skuadra nga Klina ndodhet në pozitën e 8 tabelare ku në 14 ndeshje kanë grumbulluar 12 pikë, ndërsa ekipi i Sami Sermaxhaj në po aq ndeshje ka 3 pikë më shumë.Dueli do të zhvillohet në “18 Qërshori” të Klinës.
E me fillim të orës 18:00 vjen dhe kryendeshja e ditës.Skuadra e Gjilanit udhëton për në kryeqytet për tu përballur me ekipin e Prishtinës që po kalon në një formë shumë të mirë.Djelmoshat e Ismet Munishit ndodhen në pozitën e 3 tabelare me 22 pikë në 13 ndeshje, po ashtu dhe gjilanasit kan po qa pikë por në një ndeshje më shumë.Ndeshja zhvillohet në “Fadil Vokrri”.
